Bepanthen^® Derma Namlantiruvchi losion yo'riqnomasi

Bepanten® Derma tana uchun Namlantiruvchi losion maxsulotini qo'llash bo'yicha ma'lumot

Chiqarilish shakli: Plastik idish 200 ml dan karton qutida.

Quruq va sezuvchan terining parvarishi uchun.

Bepanten® Derma tana uchun Namlantiruvchi losion terini uzoq vaqt namlab va tiklab, uni silliq, yumshoq va ipakdek mayin qiladi.

Teri himoya to'sig'ining tabiiy tiklanishida ko'maklashadi.

Bezovtalikka moyil quruq va sezuvchan terini tinchlantiradi.

Qandli diabetda, atopik dermatitda terini parvarishlashda ishlatilishi mumkin.

Terining quruqligiga sabab nima bo'lishi mumkin?

Terining himoya funksiyasi epidermisning tashqi qavati - namlikning ortiqcha yo'qolishini oldini oladigan va tashqi muhitdan asraydigan muguz qavati hisobiga amalga oshiriladi.

Terining quruqligi sababi sovuq, issiq, shamol, suv va quruq havo bilan tez-tez aloqada bo'lish kabi tashqi omillarning ta'siri bo'lishi mumkin. Himoya to'sig'i sauna yoki solyariyga borgandan so'ng, qirish yoki epilyatsiyadan keyin shikastlanishi mumkin.

Terining quruqligi individual moyillik va moddalar almashinuvining buzilishi, masalan, qandli diabet oqibatida ham bo'lishi mumkin.

Himoya to'sig'i vazifasi buzilganda, teri namlikni yo'qotadi, quruq, qizargan bo'lib qoladi, qipiqlanishi yoki hattoki yorilishni boshlashi ham mumkin.

Odatda, bunday sharoitda terining tiklanishga tabiiy qobiliyati yetarli bo'lmay qoladi.

Bepanten® Derma tana uchun Namlantiruvchi losion nima va u qachon qo'llaniladi?

Bepanten® Derma tana uchun Namlantiruvchi losion yengil va bir vaqtning o'zida oziqlantiruvchi, Nanosorb® nanoemulsion texnologiyasi asosida tayyorlangan, bezovtalikka moyil quruq va sezuvchan terini har kuni parvarishlash uchun losion hisoblanadi. Nanosorb® innovatsion texnologiyasi yordamida losion tarkibiy qismlari liposomaga o'xshash mayda parchalar shaklida yetkaziladi, bu ularning teri bilan kuchaygan va jadal aloqasini ta'minlaydi va terining himoya to'sig'i tiklanishiga yordam beradi. Losion tez singadi va terida yoqimli his qoldiradi.

Bepanten® Derma tana uchun Namlantiruvchi losion quyidagi tarkibiy qismlar hisobiga teriga sog'lom va himoyalangan bo'lib qolishga yordam beradi:

Provitamin B5 teri himoya to'sig'ining tabiiy tiklanishiga yordam beradigan tiklanish jarayonlarini faollashtiradi.
Vitamin E antioksidant ta'sirga ega va teri hujayralarini himoya qiladi.
Lipidlar 26%, jumladan seramidlar va lesitin, epidermisning muguzli qavatidagi fiziologik lipidlar zaxirasini to'ldiradi, bu esa terida namlik saqlanib qolishiga yordam beradi.
Glitserin terining chuqur va uzoq vaqt davomida namlantirilishini ta'minlaydi.
Glitsin hujayralarda almashinuv jarayonlarini yaxshilaydi.

Mutaxassislar nazorati ostida tekshiruvdan o'tgan.

Bepanten® Derma tana uchun Namlantiruvchi losionni qanday qo'llash kerak?

Bepanten® Derma tana uchun Namlantiruvchi losionni tanaga bir xilda taqsimlab, har safar dush yoki hammomdan so'ng surish kerak. Zarur bo'lganda surish takrorlansin. Har kuni ishlatish uchun to'g'ri keladi.

Tashqi qo'llash uchun.

Qanday hollarda Bepanten® Derma tana uchun Namlantiruvchi losionni qo'llash mumkin emas?

losion uning tarkibiga kiradigan qismlarining bittasi yoki bir nechtasiga yuqori sezuvchanlik bo'lsa, qo'llanilmasin. Allergik reaksiyalar paydo bo'lganda, qo'llshni to'xtatish va shifokorga murojaat qilinsin.

losion shilliq qavatlarga yoki qoplami butunligi buzilgan (ochiq jarohatli) teriga surilmasin.

Tarkibi (INCI)

Aqua, Cyclopentasiloxane, Isohexadecane, Isodecyl Neopentanoate, Cyclohexasiloxane, Glycerin, Panthenol, Tocopheryl Acetate, Glycine, Cetyl PEG/PPG-10/1 Dimethicone, Bis-PEG/PPG-14/14 Dimethicone, Cera Microcristallina, Phenoxyethanol, Sodium Chloride, Ceramide 3, Cholesterol, Caprylic/Capric Triglyceride, Polysorbate 80, Lecithin, Alcohol, Parfum, Benzalconium Chloride, Citric Acid.

Saqlash shartlari

30ºС haroratdan yuqori bo'lmagan sharoitda.

Bolalar qo'li yetmaydigan joyda saqlansin.

Yaroqlilik muddati

Ishlab chiqarilgan sanadan boshlab 30 oy. Ochilgan idish 24 oy saqlansin.

Yaroqlilik muddati o'tganidan keyin vositadan foydalanilmasin.

Ishlab chiqaruvchi

Grensax Produksions GmbH DK,
Emil-Barell-Shtrasse 7, 79639 Grensax-Vilen, Germaniya
Bayer Konsyumeg Ker AG uchun, 4052 Bazel, Peter Merian Shtrasse 84, Shveysariya.